神屋流博多道場 (Closed)

大戰一堆煩人o既文件大半天後,虛耗左我大半o既能量…>+++<原本難得放半天,十二點就可以閃人的我…做做做做做…做到兩點先可以鬆人!!!做到鬼咁攰,雖然得一個人,都要食好d!!對自己好d呢!見晏d仲約左老友o係總統睇戲,諗住近近地殺入世貿搵食先~原本諗住食海南雞的!但真係多人到呢...見旁邊的博多道場可能因為都成兩點二喇~開始冇咁多人,等左8分鐘度就有位喇~速速叫野食~點左我最愛的"豬軟骨拉麵同埋一串三文魚腩串燒~串燒好快上枱~可能因為太肚餓啦...覺得串串燒好似特別香香脆好食!咬落去個面唔單止脆,仲有少少鹽香~加上有濃香的魚油味~一d都唔dry~好正!好快比我k.o.左成串!等左一陣,終於有熱辣辣拉麵食~~這個拉麵真係一試難忘呢!麵質不但十分煙韌,吸收埋濃湯o既精華,真係好正~另外,豬軟骨肉質好腍~好入味~真係回味無窮呢~~望望menu,依度除左多串燒款色,原來都有什錦刺身~賣相仲好似幾吸引,下次同老友gathering,想試下~heehee~~