Stecco Natura (山頂廣場)

Open Now

Now Closed

今日去咗山頂玩，黎咗呢間Stecco Natura食雪糕做下午茶。先攞雪糕，然後比錢。隔離有4張枱可以坐低食。雪條有8款口味，連哈密瓜同紅橙都有。每條$39。我地揀咗較特別既杏仁同紅桑子口味。加朱古力醬要加$5，加配料每樣$8。朱古力有3款可選，配料就有4款可選。服務員即刻加配料比你，而且放係一個特製紙兜上面。雪條其實好鬼細條。紅桑子雪條加牛奶朱古力加榛子 $52紅桑子雪條真係好酸，個牛奶朱古力脆皮真係正，再加埋少少果仁真係一流。強烈建議要加朱古力同果仁。杏仁雪條加黑朱古力加杏仁 $52杏仁雪條味道就唔太出，不過好滑。個黑朱古力脆皮同杏仁又係好正。雪糕口味有9款，一款已清底。除咗生薑味道較特別，其他口味就普通d。三球雪糕球（豆腐，椰子，芒果） $753個雪糕球size正常啦，唔大唔細。雪糕質感較散，一d都唔滑，味道偏甜。3款口味我揀咗豆腐，芒果同椰子。豆腐真係好豆腐，芒果較甜，椰子都香，個人鍾意椰子多d。總括而言，雪糕唔得，雪條好d，不過勁貴。