Video
Read full review
2022-02-04
42 views
唔經唔覺已經兩年無離開過香港，真係好掛住去日本旅行嘅果種感覺，知道呢間日系cafe 由西貢擴展到元朗，即刻趁休假日去一轉唔洗飛嘅日本之旅到達錦田大街過咗忌廉桶餅家再向前行幾步，就會見到呢間兩層高嘅白色建築，簡約嘅外牆配上木框趟門，好似係日本小町嘅咖啡室一樣，入到去先係半開放式嘅coffee corner 同廚房，直望嘅牆上寫咗今日精選嘅湯同咖啡今日好好彩，去嘅時候未有太多客人，獲安排坐係最入邊嘅和室，榻榻米加上落地大玻璃，一個小小嘅木櫃放上日本新年嘅鏡餅，外邊係日式小庭園，木造嘅緣側，配合秋冬嘅陽光，如果可以坐係外邊品茶一定好寫意，可惜店家表示該部分仍未開放呢餐牌上嘅選擇唔算多，同朋友share一份薯仔蟹肉沙律，和牛同波特蘑菇open toast，朋友就選擇鐵觀音，而我當然試吓佢嘅咖啡，揀咗杯dirty蟹肉薯仔沙律先到，三球薯仔沙律配上滿瀉嘅蟹肉絲，份量令人驚喜，蟹肉絲亦唔係淡而無味嘅肉碎，有日式家庭風味Open toast 亦都令人驚喜，菠特蘑菇配上濃香嘅芝士醬，上邊仲有大量嘅火箭菜，而且唔會帶有苦味，另一款和牛就燒得剛剛好，配炒洋蔥，濃香集一身，每款配菜同主菜相輔相成，令整體更上一
到達錦田大街過咗忌廉桶餅家再向前行幾步，就會見到呢間兩層高嘅白色建築，簡約嘅外牆配上木框趟門，好似係日本小町嘅咖啡室一樣，入到去先係半開放式嘅coffee corner 同廚房，直望嘅牆上寫咗今日精選嘅湯同咖啡
今日好好彩，去嘅時候未有太多客人，獲安排坐係最入邊嘅和室，榻榻米加上落地大玻璃，一個小小嘅木櫃放上日本新年嘅鏡餅，外邊係日式小庭園，木造嘅緣側，配合秋冬嘅陽光，如果可以坐係外邊品茶一定好寫意，可惜店家表示該部分仍未開放呢
餐牌上嘅選擇唔算多，同朋友share一份薯仔蟹肉沙律，和牛同波特蘑菇open toast，朋友就選擇鐵觀音，而我當然試吓佢嘅咖啡，揀咗杯dirty
蟹肉薯仔沙律先到，三球薯仔沙律配上滿瀉嘅蟹肉絲，份量令人驚喜，蟹肉絲亦唔係淡而無味嘅肉碎，有日式家庭風味
4 views
0 likes
0 comments
4 views
0 likes
0 comments
Open toast 亦都令人驚喜，菠特蘑菇配上濃香嘅芝士醬，上邊仲有大量嘅火箭菜，而且唔會帶有苦味，另一款和牛就燒得剛剛好，配炒洋蔥，濃香集一身，每款配菜同主菜相輔相成，令整體更上一層，可見店家對食材選擇絕不馬虎
1 views
0 likes
0 comments
1 views
0 likes
0 comments
飲品方面，朋友表示茶香不澀，而我嘅咖啡香而不苦，濃淡適中，加上冰凍嘅牛奶，咖啡香氣係口中散發
1 views
0 likes
0 comments
0 views
0 likes
0 comments
冬日太陽灑落係室內，有種懶洋洋嘅感覺，休息傾計一陣之後，決定試埋呢度嘅baby pancake
問咗店員size 屬一人份量，就同朋友每人一個，試哂藍莓檸檬醬味同黃豆粉年糕，即叫即做都要等大約十分鐘左右
檸檬醬清香唔會過酸，似乎都係店家自己做嘅，會令人不自覺一口接一口
1 views
0 likes
0 comments
頭先果款係西式甜品嘅感覺，呢款就一定係日式，熱辣辣又軟又煙韌啲年糕，加上蛋味濃嘅pancake同黑糖黃豆粉，好似係日式茶室食嘅蕨餅一樣，但要小心燙口😛
1 views
0 likes
0 comments
悠閑咁過咗個下午，好似返咗轉京都充滿電一樣，慰藉一下思日之愁之後又要努力工作，希望早日可以返去真正嘅京都啦
Post
