秋千.在 (Closed)

原本在佐敦有一間食開嘅甜品店，諗住食完晚餐之後走去食甜品，不過去到先知原來嘅甜品店冇咗，轉咗另一間店，做cafe，主打自製貝果，小编好鍾意貝果，二話不說即刻入去試試。這種小店小編特別有好感，因為他們會有一啲特色並且會用心做食物，每每有驚喜，亦希望少少力支持吓，成日希望香港可以有多啲這種小店。裝修亦花心思，專登整一個鞦韆做打卡位，讚。📌巴馬火腿蘆筍太陽蛋 ‧ 橄欖迷迭香貝果貝果係橄欖迷迭香味道，絕對係少見，小編亦未試過，食落真係唔錯，唯一差少少嘅係貝果皮唔夠脆，口感差少少。配搭嘅蘆筍同太陽蛋，又係少見，可見店主係有花心思創作食物。蘆筍有烤香，太陽蛋隻蛋又香，仲有巴馬火腿嘅咸香味，真的要讚。不得不提嘅係配菜薯條，又脆又香，正。📌焦糖牛角窩夫 ‧ 雪糕揀得牛角窩夫就係唔想食硬嘅窩夫，但這個牛角窩夫都係偏硬，有點失望。