Lex Coffee (Closed)

落雨天的晚上黎到lexcoffee, 樓底高高、座位闊落、牆邊掛上不同富有藝術氣質的畫作和藝術品、令店裡面充斥著一重既浪漫又文藝的感覺。招牌安格斯高級肉眼牛排叫左7成既肉眼，超有驚喜。招牌果然係招牌，估唔到係一間coffee shop可以食到咁高質既牛扒。 牛扒既調味非常好、又唔會蓋過肉眼本身既牛味，又能夠帶出牛扒既香味。仲有成餅炸蒜，非常香口，大家黎到一定要點啊！即磨黑松露磨菇意粉望落好精緻，但原來份量都好足夠，意粉上有一塊新鮮即磨既黑松露片、個汁亦好重松露味。法式焦糖布丁呢個又係一個驚喜，擺盤好擺到好似一件藝術品咁，所以一定要相機食先！食落去口感好滑溜，蛋味非常香濃、真材實料。藍莓芝士蛋糕質地很幼滑，而且芝士味好香，側邊仲配有少少野莓醬，所以食落唔覺漏。伯爵紅茶、洋甘菊柚子茶因為係晚餐、出面落雨又凍凍地既關係， 所以就叫左兩個熱茶暖下身。 伯爵紅茶既茶包就算泡耐左都唔會濃到變苦，茶味香濃。至於洋甘菊柚子茶就清清地、隱約都飲到柚子既味道。