滿堂紅雞煲烤魚特式火鍋 (Closed)

食放題最好就梗係食最早時段啦！點解？因為價錢平！而且可以有多d時間消化，咁食多d都唔怕肥啦！今日由於之前訂左位就黎試下呢間深水埗任食雞煲。由於周圍都係舊區，門口好難搵，唔認真睇都真係見唔到係邊，入到鋪頭裝修十分普通，可以話冇裝修可言。因為食最早時段，所以冇咩人，得兩三枱客人，見裝修周餐廳環境心諗係咪中左伏，好彩食物方面都冇話難食！「早起的鳥兒有蟲吃」最早時段好既地方仲有食物夠齊，唔會因爲多人俾人拎晒，海鮮中有蝦可以燒，幾新鮮。一邊打邊爐一邊燒肉，一次過滿足兩個欲望，火鍋選左椰子雞，味道淡淡地，冇咩特別。除左火鍋仲有熟食，熟食中最好食係炸饅頭，真係又脆又好食。