滿堂紅頂級雞煲火鍋 (Closed)

有朋友推介呢間火鍋專門店就黎試下，呢間野開左好耐，平時坐紅Van到佐敦經過油麻地時必定見到大大間三層高既門面，今次終於一試此店！滿堂紅幾貼題，紅色既牆身，紅色既辣椒，紅色既員工制服，有種幾溫暖既感覺啊鍋底方面有幾多選擇，眼看有麻辣雞煲，椰子雞煲仲有芝士雞煲（好邪惡，不過見隔離檯食都幾滋味），其他特式d既有沙蔘玉竹鯊魚骨湯底，潮汕湯底，櫻花蝦豬骨濃湯底，好似仲有酸菜魚食tim.我今次就試潮汕湯，幾好禾！有成條大地魚，湯底好甘香，大地魚多數係雲吞麵舖先食到，身為潮州人既我特別鍾情呢種香味，用黎打邊爐特別醒胃！玩埋鐵板烤，多個選擇唔錯，有時係貪心d👄，烤過既肉香口d，又幾有一番風味。飲品有十幾款多選擇，唔錯可encore