Gastrobox by Okapi Cafe (Closed)

嗰日HONEY生日入西貢食飯，無意中發現有間新開嘅餐廳，見門面裝修幾靚，門口又有MENU睇下，D價錢唔太貴就膽粗粗入去試下，餐廳女經理介紹點咗吞拿魚扒三文治、磨菇火腿扁意粉、蟹肉讓青口及蘋果撻。等嘢食嘅時候，見個洋人飲緊杯啤酒好似好(正)咁，D啤酒顏色唔係清澈可見嗰種而係濁濁哋，唔係平時超市買到嗰D，HONEY都要左杯，因為我平時係唔鍾意飲啤酒嗰D人，HONEY叫我試左D又真係幾好飲一D都無苦味，到食三文治，估唔到個吞拿魚扒三文治塊吞拿魚扒食落好似牛扒咁有肉汁同幾有質感味道唔錯架，伴碟D薯條勁好味，佢哋唔係用茄汁點架你用自製沙律醬伴食，唔錯，個青口幾野味，用呢送啤酒一流，個扁意粉個汁就杰咗D，D磨菇同火腿都幾好味，不過可能係白汁關係，食到尾都幾(漏)，好在有HONEY分擔下，都食得晒，最後食甜品蘋果撻，賣相同出面食嗰D好唔同，佢係一個直徑約6寸圓形酥皮青蘋果撻上面加個雲尼拿雪糕球(因為賣相太精緻，掛住食唔記得影相)，因為佢係用青蘋果做所以酸酸哋幾醒胃，剛好解咗之前扁意粉(漏)嘅感覺，食完舒服晒。呀餐廳年輕老闆重請我飲咗杯酒，入口有D菠莝蘿味，幾好飲架，問老闆隻酒叫咩名堂，佢話叫Okap