屋喔 (Closed)

上星期同兩個同事放工之後想搵好野食慰勞下自己，見到屋喔個裝修幾簡潔同特別就入左去試下。可能係平日既晚上，加上我地黎得早，所以都仲有唔少位。之後我地叫待應推薦幾道出名D既菜，點左個沙律、焦燒鳳梨糖醋里肌、蒜香排骨肉燥飯同埋個炒牛肉。個沙律正正常常，D菜都幾新鮮，食落幾開胃。蒜香排骨肉燥飯都幾好食，排骨炸得幾香同脆，又有D酸菜配搭下，感覺唔會太油膩，份量都好足。焦燒鳳梨糖醋里肌，同普通茶記既生炒骨分別唔大，酸酸甜甜，幾岩送飯。待應推薦既鹽酥雞，食落的確有D似台灣夜市既味道，炸得都幾酥脆，不過我個人覺得咸左少少。炒牛肉，我地覺得咁多樣茶入面個人認為最好食，牛肉炒得岩岩好，唔會太老，食落D汁都好正。飲品我點左抹茶紅豆沙冰，幾好味，不過就無特別驚喜。