八幡平石燒牛扒專門店 (和富中心)

Open Now

Now Closed

今日去試咗位於北角和富中心全新裝修的八幡平， 既然黎到食牛嘅地方，一定要試佢個招牌牛扒，我揀左170g，之後加左 一粒珍寶元貝， 趁佢未嚟之前， 首先要裝定白飯( 可以加飯素)， 一碗牛骨湯( 裏面勁多好食又淋嘅牛肉同牛筋)正呀， 再加埋一碗沙律( 可以加千島醬)。 因為呢三款 ，你都可以放題任食， 返到埋位就要開始拎醬料， 佢有三個格畀你放， 燒汁， 蒜蓉， 蜜糖芥末， 搞掂好曬呢幾樣嘢，牛扒應該就差唔多到， 先將兩邊 煎到佢金黃， 鎖住佢肉汁， 然後跟住牛扒紋理去切， 之後可以加上黑胡椒 增加香味， 亦都可以用蒜蓉放在鐵板上炒一陣， 之後放上牛扒上或者撈飯， 元貝方面就煎到佢兩邊金黃， 不過唔好煎太耐，唔係會唔好食，乾柴， 唔夠飽可以飲多碗牛骨湯再食珍煮飯飯， 仲叫一支日本產烏龍茶， 可以解咗牛扒嘅油膩， 所以加15蚊配埋好抵， 肚餓入去，飽飽出返嚟， 夫復何求呢、