Candies Foodies (Closed)

趕頭趕命趕收工就係為左同姊妹見下面, 今日姊妹們約左去尖沙咀一間樓上cafe, 我到達餐廳時約7點場內位置都已有7成滿, 平日夜晚有呢個場面, 呢間餐廳應該口碑不俗；我地3個人叫左一個二人set dinner, 另加左個湯同小食, 我地3個都係大胃女, 其實碟頭計我地叫得唔算好多, 但佢地既份量真係好足👏🏻我地個二人餐有沙律、湯(是日餐湯蕃茄湯)、原板海膽龍蝦忌廉汁燴飯, 仲有一塊安格斯肉眼扒, 再加兩杯野飲, 另加一客小食炸魷魚圈同埋加多一碗黑松露野菌濃湯；第一要讚係海膽飯, 我地真係無諗過係咁大板, 仲要好新鮮同甜, 加埋落個忌廉飯一齊食, 兩樣野出奇地夾, creamy既海膽在忌廉飯上合二為一；塊扒做得剛剛好, 既沒有太多血水但保持到肉嫩, 扒旁既香草芝士薯蓉都要一提, 個薯蓉面應該被火燒一燒, 所以個面有少少脆, 加埋香草既香味, 會另人停唔到口；個二人餐只係3百幾, 有海膽又有牛扒, 真係好抵👍🏻；仲有, 佢地真係有個candy bar俾客人夾軟糖, 但我地太飽已經夾唔到啦, 我地下次一定夾番, ha ha!