名苑酒家 (Closed)

今日同朋友飲茶, 大家都未去過這間, 儘管試試 。整個商業大廈只得兩間酒樓, 相比下這間規模很小, 但有大半人坐, 以一個正常 LUNCH TIME 真係少人流。我哋叫左 :1) 义燒腸粉: 好薄的外皮、很滑, 一個長碟裝一條, 分了4份, 味道很好;2) 金黃流沙包 : 熱度適中,咬落去流沙唧了出來; 後來拿了一個返屋企俾家人試,包雖然涷左, 但都仲係好好味;3) XO 醬炒腸粉 : 重覆左,不過整法唔同, 上面舖了蛋絲及芽菜, 腸粉熱得來唔辣之餘還好惹味, 估唔到亦無後悔又叫了腸粉;4) 豆苗餃: 味道OK, 皮夠薄, 裡面帶清甜;5) 蠔汁腐皮卷 : 樣及味道都過得去6) 冬菇雞粥: 雞雖然不是新鮮, 但配起冬菇, 都好鮮甜7) 蓮子杏汁茶 : 最正的一個, 大家都讚不絶口整體中午餐唔多選擇, 只得一張點心紙, 及最少四人套餐, 好少小點, 最初真係以為好難揀, 任意選了幾個, 但全部食品無令我們失望, 但價錢真係貴左少少。LUNCH TIME想唔嘈又食到好嘢, 除價錢外這間真係可以考慮下, 還有幾個無聲只得畫面的電視供客人看, 都係最好坐低傾計歎茶 。