壹樓火鍋 (Closed)

我好耐都無黎過大坑食飯，今次係有位朋友生日，佢提意去呢間壹樓火鍋打邊爐，我唸一唸，呢間火鍋我好耐都無黎過，大大話話都成一年無踏足過........在我印象中，d食物用料都係好一般，唔係咁好味，但係我朋友生日佢話事，佢仲話而家唔同左，d野食好味好多，用料新鮮好多。 於是我地一行十人操上去，一入門口，見到成個場爆晒，好彩我地有定位，如果唔係唔知等幾耐！...........我心諗，又無咁好食呀，同以前唔同左喎！我地坐低之後立即點野食，首先點左兩個湯底、一個麻辣湯底、一個金華火腿冬瓜盅，首先講下湯底，麻辣湯底夠麻夠辣，滾耐左都唔會變苦，掂！冬瓜盅幾清甜，買相好得意，鍋中間放左成個Q板冬瓜。跟住緊係要試下我的至愛牛肉啦，點左一碟牛肩托，一碟牛頸脊，如果呢樣野唔得架話，肯定無下次..........結果，當我食左兩款牛後，我第一個反應就係.............頂！真係好味好多喎！有晒牛肉味，同以前唔同晒（佢地以前d牛肉真係無肉味架）.........跟住點左d海鮮，一隻（象拔蚌），夠鮮、夠晒海洋味道，＄480抵食，（聖子王 ）