Pop Street (Closed)

一間餐廳有齊唔同國家嘅美食真係好少見：香港🇭🇰、日本🇯🇵、墨西哥🇲🇽、菲律賓🇵🇭、阿根廷🇦🇷等等，選擇真係好多。老闆好好人，好似一見如故咁係咁同私地傾計，😃好開心。 Okra Tempurd 好有脆！秋葵山葵配第一次食天婦羅式嘅秋葵，感覺好爽口又唔熱氣，加埋個醬係好夾！Ameijods Com Chourico 葡萄牙洋腸煮蜆(跟法包)有紅椒、葡萄牙腸、豆作為配料，但完全無遮擋蜆嘅鮮味，份量都好多！配上點左芝士粉嘅法包，食得好滋味。Pavlovd 安娜的鮮果蛋白塔多謝老闆特登整左心型❤️嘅蛋白塔！女仔一定會鐘意，每一啖都好似棉花咁，入口即溶，加埋唔同嘅新鮮莓果，好Fresh嘅甜食。老闆特地推介幾支唔同嘅手工啤🍻：Lion Dream Plinser, Ten Years, Delta IPA, Westmalle Extra. 有D menu無架，每一支都有唔好口感，我自己就鐘意有龍井茶味嘅Ten Years，有一種特別嘅甘香。