千銅和食屋 (Closed)

蟹國天丼 $118不論係份量、味道定擺盤都誠意十足。軟殼蟹係成隻切件上，炸漿唔會厚，夠脆身，亦都唔會炸到過火，裡面就保持到蟹肉嘅肉汁，味道唔會咸或者重味精。而拆出嚟嘅蟹肉好鮮甜，好新鮮實淨唔霉唔削，連埋蟹膏一齊食真係好好味，咸鮮味出曬嚟。而蟹籽嘅數量有好多，足夠撈曬成碗飯，仲有部分係撈左沙律。米飯方面佢地用左珍珠米，口感適中，唔會太濕或太乾。食到咁上下再食返條醃蘿蔔，胃口大增，令人想不斷咁再食，正。