Video
Read full review
2011-04-21
446 views
只睇 openrice 食評，好多食客大讚好味道、碳爐夠原始又特別，及略略提過下舖頭位置處於巷仔中。真係未去過都想象唔到環境十分惡劣，我都係第一次行到去都會猶豫幫唔幫襯，有想逃走既感覺。後巷、坑渠、水氹、垃圾、殘破。依家連碳爐都取消左，環境又嘔心，食物味道又一般，服務又麻麻，海鮮又非常貴，不過真係有好多持別既食材，如牛鞭、牛波子、魚春、鯊魚肉，等等。四川酸辣湯底，最初朋友想要醉雞，但我一心想試特別野。個酸辣湯酸就好夠酸，不過唔夠辣，酸味好搶。配菜有少少什菜、酸菜同硬豆腐，味道都係一般，不推介。大蜆，無火 gas 爐慢烤，個爐得約 50% 位置有火，火又慢，真係等到唔耐煩，好鬼無癮，見隔鄰枱火勢紅紅，話咁快就有得食，食飽埋單，但我地都未到中場。大蜆都好新鮮，全部都仲識得郁架，但養得未夠，依然好多泥好多沙，味道都好鮮甜，又大隻。無碳爐、個 gas 爐又無咩火，我就周身火，燒好耐先燒熟，仲要每次燒得兩三隻，要不停咁幫佢地掉位，食到一肚氣。( gas 爐的試練 )燒大蜆，好新鮮，睇吓佢鍾於開口大叫快啲食我啦 ﹗等成十幾分鐘，頂 ﹗都未試過咁鬼耐，個 gas 爐無料到。睇吓幾鬼多泥同沙，要搵水沖
四川酸辣湯底，最初朋友想要醉雞，但我一心想試特別野。個酸辣湯酸就好夠酸，不過唔夠辣，酸味好搶。配菜有少少什菜、酸菜同硬豆腐，味道都係一般，不推介。
大蜆，無火 gas 爐慢烤，個爐得約 50% 位置有火，火又慢，真係等到唔耐煩，好鬼無癮，見隔鄰枱火勢紅紅，話咁快就有得食，食飽埋單，但我地都未到中場。大蜆都好新鮮，全部都仲識得郁架，但養得未夠，依然好多泥好多沙，味道都好鮮甜，又大隻。無碳爐、個 gas 爐又無咩火，我就周身火，燒好耐先燒熟，仲要每次燒得兩三隻，要不停咁幫佢地掉位，食到一肚氣。( gas 爐的試練 )
燒大蜆，好新鮮，睇吓佢鍾於開口大叫快啲食我啦 ﹗等成十幾分鐘，頂 ﹗都未試過咁鬼耐，個 gas 爐無料到。睇吓幾鬼多泥同沙，要搵水沖沖去先可以放落口，淡鬼晒。
虎蝦，游水蝦，勁生猛活躍，係隻碟上面係咁郁，想逃走，好采全部都用竹簽串住，唔走得去邊。好多膏呀，美味。蝦肉味濃，彈牙鮮爽，係整頓晚餐最正既食物。
貴妃蚌，超級巨形，同我手掌差不多大，勁重手。花左好長時間用個無火 gas 爐燒熟佢地，無落任何調味料，點解咁咸既，真係好咸，海水味好重，肉質雖鮮嫰，但實在太咸，到底食肆係用天然海水定人工海水養呢？
本地活墨魚刺生，無咩味道，口感就好爽口好新鮮，啲鬚既吸盤仲吸實隻碟架。生食好淡口，灼一灼加少少豉油，口感爽，味道鮮，煮完仲好食過生食。原本係活黑魚三食，黎左兩樣，仲欠碟墨魚滑，問個阿叔，佢居然話片仲好過墨魚滑啦，今日無墨魚滑供應。我講緊欠我地一碟墨魚滑呀，唔係 order 一碟墨魚滑呀，咁我條墨魚去左邊呀？到最後都係無比返碟黑魚滑我地，谷鬼氣。( 消失的墨魚滑 )
雞子，用花雕浸住，食落有淡淡酒香，不過不失啦，但似乎浸得過龍，有些微過腍，彈性不足。
手切本地肥牛，睇個賣相已覺唔多掂，瘦猛猛咁，食落真係一般街市普通貨式，無咩牛味，又鞋又靭，唉。
美國肥牛，因試左個好唔掂既本地手切，所以專登叫其他試試。個賣相都好搞笑，真係未見過切都成個殼咁，哈哈。比手切本地好少少啦，都係唔好得去邊架喇，只係較滑較有牛味囉。
鱔片，似乎係白鱔碌唔係片喎，個 menu 有誤導之厭，碌係有骨、片係已去骨同切雙飛，差好遠喎。朋友們堅持全部燒，唔烚，無所謂，就燒黎食囉。睇相以為好大條，其實好細條架乍，不過都夠肥，所以燒起黎都有足夠魚油，夠晒香，食落肥美，皮燒得香脆嚥靭，正呀。
象拔蚌刺生，又比阿姐誤導，佢話象拔蚌仔，我地仲以為係連殼既細隻象拔蚌仔，原來佢係話緊細隻象拔蚌，唉。完全唔掂，淡到近乎無味，又唔夠爽脆，返而烚左仲好食過生食，唔掂。
魚春，勁開心呀，居然有魚春供應，我最鍾意食魚春。阿姐教路話要撈埋佢地既秘製醬料先可以燒。燒得乾乾的，好香口又甜美，幾好幾好。我較為喜歡燒得濕潤，但朋友們喜歡好乾的呢，各有各好。( 混醬魚籽的背叛 )
鯪魚滑，完全唔膠，烚完食落口感死實，差。
午餐肉，簡直係全晚既靈魂，如果無佢就真係無啖好食。
埋單總數 HKD1400，三個人好貴呀，一啲都唔值，寫左咁多編食評，今次係第一次全部比 1 分，劣得緊要 ﹗
Post
