豊勝手丼 (Closed)

靚女舞友外遊回港後，因一直未於舞場撞見XO仔，為怕再等手信會過期，結果就相約週一午膳，地點由細佬揀喺公司附近嘅「豊勝手丼」食日本菜。餐店位置方便之餘，最重要係細佬留意到中午十二點到下午五點可享七折搬遷優惠，荷包個面最大！店子木造嘅支架上方有多個紅白燈籠高高掛，裝潢滲透著濃郁嘅日本風情，有透明玻璃窗保護更覺光鮮高雅。正門先有招財貓仔代表歡迎：「いらっしゃいませ！」（歡迎光臨！）知悉所有丼丼嘅白米全為日本生產，迅即打下強心針。新店樓底高高，光線充裕，四周除咗可見日式彩布之外，天花更以魚網裝飾，明顯主打食材為漁獲海鮮，貼切到題。為怕午飯時間排隊，建議大家十二點至十二點半入座。店內散座大多為合拼式，開揚通爽，方形椅櫈一經打開，即搖身一變成為儲物箱，方便食客可放置隨身物，安全衛生又慳位。廚房前方有一排高櫈吧位，最適合單拖嘅貴客。其中一邊牆身以日文道出「勝手丼」之來由，及展出「豊勝手丼」除咗現正做緊午市七折優惠之外，所有壽司飯為免費添加，可謂抵上加抵！四頁彩圖餐牌中、日、英對照，簡單易明。三つの国雲丹丼（$298）：海膽迷小肥點咗個「三つの国雲丹丼」。顧名思義，三國雲丹丼內含來自三個國家嘅海膽，分