香港仔茶餐廳 (Closed)

約左一大班朋友食飯， 有些住港島， 有些住九龍， 最後選址香港區。見到這間餐廳，唔好被“茶餐廳”3 個 呃到以為得茶餐。 原來晚市仲提供潮州野食。首先第一樣係”滷水紅腸拼墨魚“  ， 紅腸有濃濃的滷水味但唔會太鹹， 墨魚亦有淡淡的墨魚鮮味。再來就係鹵水鵝片， 鵝片絕對要推介之選， 完全無多餘脂肪，淡淡肉。韭菜豬紅係潮州打冷舖的頭盤之一，  配上餐廳提供嘅潮州辣椒醬真係回味無窮。再來就係滷水生腸大腸， 生腸大腸無任何怪味。 多餘脂肪都去掉。滷水生腸爽口， 大腸就淋淋的又入味。豉椒炒蜆最怕就係多沙， 今次食落完全係走沙， 辣度同豉椒個比例剛剛好，唔會太鹹太辣。最後試過咁多樣野食， 好似都唔係好夠飽， 可能無米飯入肚， 最後點左個公司三文治， 裡面有比較少見嘅鹹牛肉， 聞落都好香， 加上新鮮的蔬菜， 同真脆口嘅 “ 漢底” 嘅麵包， 都算係一個完美的終結。