三公台灣料理 (Closed)

餐廳以木色為主色調，擺設用上量不同造型既積木熊，落地玻璃窗設計，採光十足，座位寬敞舒適。三公鹽酥雞鹵肉飯：份量夠大份，鹽酥雞炸粉薄身，熱辣辣外脆內軟口感；鹵肉肥瘦均勻，入口即化；跟餐仲有芒果田園沙律同埋飲品添。香酥排骨鹵肉飯：香酥排骨好大塊，口感脆嫩，鹵肉咸香味夠，食落好惹味。牛全盛椒麻並盤既醬汁麻麻辣辣好惹味，有牛腸、牛肺、牛脆骨、牛筋、牛肚，樣樣都有d，岩曬有選擇困難症既我。安平蝦卷外脆內軟，入面既蝦肉鮮甜彈牙；蚵仔煎好特別，食到入面有秋葵，食落清新爽口；豆腐索曬鹵汁入曬味；雞翼肉質嫩滑；娃娃菜鮮甜清爽。青蘋果烏龍茶 & 檸檬白肉愛玉清甜可好，甜度適中，兩種味道都各有特色。三公2024推出開年祭優惠，凡享用午市台式便當加1蚊即嘆台式鹽酥雞1份／Black Pink 鹽酥雞 1份，鐘意食台灣野既朋友仔，一定唔好錯過啦。🔎三公台灣料理 (旺角)📍旺角西洋菜南街2T號添置商業中心1樓