三分俗氣 (Closed)

家住黃大仙的我，有時也會去新蒲崗覓食，今日就俾我同老公揾到一間抵食又好吃既上海菜館~三分俗氣。門面同內裡裝修平民化，夠企理，乾淨整潔，有梳化卡位，仲要有半卡坐大枱，適合情侣、三五知己之外，一大班人也不成問題。菜單紙上列明有冷盤涼菜、上海湯麵、招牌點心、蟹粉系列……等既經典上海菜品，甚至有2人、4人、6人套餐供客人選擇，非常多元化，最特別係有晚飯三寶，菜品係片皮鴨，配小籠包或生煎包，及甜品( 高力豆沙或豆沙鍋餅)，星期一至五$268，星期六、日及公眾假期$298，真係超抵，不過每日限量供應，大家記得打電話預訂。由於價錢平民，我兩口子決定散叫，選擇自己喜愛的。酸辣湯(每位$30)材料豐富， 有黑木耳、肉絲、竹筍、香菇、豆腐等，那酸酸辣辣嘅口感 ，令人欲罷不能。川味口水雞($62)豐富又多層次嘅麻香，配上彈牙鮮嫩嘅雞肉，一口接一口，好快就食晒。招牌鮮肉小籠包(4隻，$36)皮薄又多汁，肉餡鮮香，唔怪之得係2017年新假期週刊8間街坊好食小籠包第一位。俗氣上海粗炒($58)麵條腍而不爛，帶少許嚼勁，配料豐富，有椰菜、白菜、冬菇、瘦肉絲，色香俱佳，令人回味無窮。奶油津白($55)黃芽白好腍，非常