李錦基越南餐廳

Open Now

Now Closed

李錦基係早年嘅越南餐廳，舊鋪喺白加士街；意想不到咁多年後再喺佐敦開鋪，新鋪喺童軍總會對面。老闆冇變，味道同當年一樣。最鍾意佢哋嘅越式湯河，湯底香醇但係唔油膩，火車頭有齊生牛肉、牛腩、牛丸、牛百頁、同牛筋。牛腩尤其出色，冧滑得黎唔會散開。牛丸亦有濃郁牛肉味，冇雪味、唔會味嚼蠟，絕對唔係一般坊間貨色。看似簡單嘅一碗湯河，其實都係滿滿誠意。另外飲品叫左椰汁三色冰，椰汁夠濃夠香，另外就係唔太甜，完全戒甜嘅亦可以要求走甜。