Video
Read full review
2018-05-09
5019 views
香港嘅拉麵店，我最鍾情就一定係漁場台風，佢係咪全港最好食我唔敢講，避免某某黨走出嚟話某某先至係世界級，但我可以肯定漁場台風一定係全港宅味最濃嘅拉麵店，啲宅味唔係貼幾張poster整幾件figure就扮得到，而係連員工、食客都係非等閒之輩臥虎藏龍，唔知咁講店主會唔會怒った呢？適逢三週年慶祝，出咗兩日限定嘅海膽拉麵，真係要神咁早出去排隊，果然未開舖已經排一百幾十人，前面有人用tablet打太鼓，後面有人話爆咗幾袋UO…呢啲嘢你唔會明嫁喇。當日只賣一款海膽拉麵唔需要頭痕，只要揀好湯底濃淡同埋落唔落蔥就得，不過麵質都可以手寫決定軟硬，我就一定食硬身嘅。講起上嚟我其實無食過漁場台風嘅拉麵，因為我鍾意食沾麵多啲而沾麵只有午市會做。雖然係最忙嘅週年慶，枱面都唔會七國咁亂。牆身有好多客人同餐廳嘅互動，裡面真係好多宅嘢…咳咳。唔使好耐拉麵就已經做起，呢日排長龍都咁高速真係要用摩打手做嘢。湯底明顯比其他拉麵舖少，可能濃湯嘅意思就係唔去兌水掛。個濃湯味道就真係好重豬骨味，飲落亦夠漿口，鹹味重少少啦，或者正常濃度會更適合我。聽講今次嘅豬肉係荷蘭豬，荷蘭豬又係咪真係荷蘭叻啲荷蘭好食啲呢？咁佢梗係出色過荷蘭叻果個
適逢三週年慶祝，出咗兩日限定嘅海膽拉麵，真係要神咁早出去排隊，果然未開舖已經排一百幾十人，前面有人用tablet打太鼓，後面有人話爆咗幾袋UO…呢啲嘢你唔會明嫁喇。
當日只賣一款海膽拉麵唔需要頭痕，只要揀好湯底濃淡同埋落唔落蔥就得，不過麵質都可以手寫決定軟硬，我就一定食硬身嘅。講起上嚟我其實無食過漁場台風嘅拉麵，因為我鍾意食沾麵多啲而沾麵只有午市會做。
雖然係最忙嘅週年慶，枱面都唔會七國咁亂。牆身有好多客人同餐廳嘅互動，裡面真係好多宅嘢…咳咳。
唔使好耐拉麵就已經做起，呢日排長龍都咁高速真係要用摩打手做嘢。湯底明顯比其他拉麵舖少，可能濃湯嘅意思就係唔去兌水掛。個濃湯味道就真係好重豬骨味，飲落亦夠漿口，鹹味重少少啦，或者正常濃度會更適合我。
海膽拉麵
$50
68 views
0 likes
0 comments
聽講今次嘅豬肉係荷蘭豬，荷蘭豬又係咪真係荷蘭叻啲荷蘭好食啲呢？咁佢梗係出色過荷蘭叻果個渠頭啦，瘦肉嘅部份就韌少少但係肉香味濃，肥肉部份就入口即融充滿油香，平時街市啲豬肉梗係比唔上啦。呢度嘅叉燒又比其他舖頭嘅厚肉，啱晒我。
61 views
0 likes
0 comments
週年慶嘅麵聽講係特製，我無食過呢度嘅拉麵底所以比較唔到。落單時要求咗硬麵，呢點毫無疑問做得到，食落口硬度夠又唔會未熟。麵條掛湯能力亦強，吮麵時可以將豬骨湯一齊吮入口，唔會比沾麵遜色喎。
44 views
0 likes
0 comments
食拉麵溏心蛋就唔少得嘅，不過隻蛋蛋唔見咗？得返阿黃係度？平時溏心蛋我就成隻啪，既然佢搞成咁我直頭打散佢連埋拉麵一齊吮落去。就算無咗蛋白都仲有濃厚蛋黃香，一樣令人滿足。
21 views
0 likes
0 comments
話明海膽拉麵，說好的海膽呢？咁係得返呢舊嘢姐？之但係，泡嚟嘅？食一啖，師父明白了。點解隻蛋骨肉分離無咗蛋白，因為個蛋白用咗嚟打泡，否則單單係海膽又點會係白色？咁即係有無海膽味呢？係食得出嘅，但味道梗係無直接食一板板咁濃，$50就唔好要求太過份。只用蛋白嘅聰明之處係蛋白幾乎無味，所以就唔怕蓋過海膽味，同理我覺得唔好同個湯溝埋一齊食，否則就只會食到豬骨味。
30 views
0 likes
0 comments
$50蚊可以食到一碗完整嘅拉麵，計埋燈油火蠟人工舖租點都無可能有錢賺，絕對係感謝祭殺必死，為咗以後都有得食週年限定，係要多啲幫襯嘅。
Post
