熊本牛鍋 (永勝商業中心)

Open Now

Now Closed

之前食日式火鍋放題都係去一啲集團式經營嘅連鎖店，肉類同其他配料嘅款式都比較standard，同埋通常都係限時兩個鐘頭，食得比較趕😅😅😅今次嚟呢一間熊本火鍋感覺比較似小店經營，feel到店家幾有心做！再加上可以慢慢食足三個鐘，唔使食得咁趕😚😚😚澳洲和牛套餐 （送和風海鮮雞煲一鍋）$298 //海鮮雞煲 //無論係邊一個套餐，店家都會上左一煲海鮮雞煲先，呢度嘅雞煲調味唔辣彈幾惹味，入面仲有原隻鮑魚、鮮蝦等等嘅海鮮🦐🦐🦐食完雞煲，店員就會幫你加湯打邊爐🍲🍲🍲// 肉類 //澳洲和牛牛白肉頂級牛小排牛肩胛佢哋嘅放題套餐，總共分三個價位，$268 會食到頂級牛小排同牛肩胛；$298 會可以食埋澳洲和牛同埋牛白肉；最貴嘅set $388 可以食埋日本A4和牛、牛板腱、封門柳🥩🥩🥩我哋今次就叫咗中價位嘅set，覺得都幾夠食！最鍾意牛白肉同埋澳洲和牛，牛白肉嘅感覺似牛胸爽，涮幾秒已經夠熟，食落索索聲同埋好有油香，澳洲和牛比較嫩滑，而牛小排同牛肩胛嘅牛味就會比較重😋😋😋// 自助區配料 //自助區嘅款式一啲都唔馬虎，除咗有常見嘅丸類之外，亦都有一啲比較特別嘅款式，例如牛舌、陳皮魚蛋、墨魚滑、自家製餃類等