上海一品香菜館

Open Now

Now Closed

三歲已經開始黎呢間店食，對上一次見到佢拆晒牆上啲舊餐牌真係覺得歲月不饒人。其實都差唔多每個月都會食一次都食咗20年，發現自己都冇寫食評所以就補返一篇啦。今次就叫咗三餸一湯。回鍋豬肉每一次都要嗌嘅餸。辣度適中，豬肉新鮮入味，加埋豆乾椰菜三色椒用豆板醬真係冇得彈！韭黃鱔糊即係每次黎都要嗌嘅餸。足料多鱔糊！同埋我真係好鍾意食韭黃㗎！溫馨提示醬汁比較濃味需要送飯。白菜仔炒牛肉住家菜。新鮮牛肉。純粹貫徹我去邊都要食菜嘅風格。西湖牛肉羹大大煲西湖牛肉羹，夠五碗， 加啲胡椒粉，又係好味嘅住家湯。