大吃大喝 (威靈頓街)

Open Now

Now Closed

我認為係中環要食外賣三文治嘅首選就係呢間大吃大喝！間舖頭好細間，裏面只得一排座位，好肯定呢間舖頭主要做外賣，如果好趕嘅話，我真係好鍾意食三文治當一餐！之前已經聽過呢間外賣店嘅大名，佢喺油麻地好出名！我朋友都會特登去幫！知道佢喺中環有分店，所以搵機會試吓！果然冇令我失望！今次嗌咗兩款，分別係芫荽蛋治烘底，同埋厚切餐肉蛋治烘底！啲蛋真係好出色，絕對唔會太過龍，有好多蛋汁！好有蛋味！加埋芫荽真係冇得頂！另外嗰個餐肉，係煎過！因為係厚切，所以好有口感！真係好配合！而最估唔到係佢杯奶茶都好掂！不過，要食嘅話，記得打電話去嗌咗先，如果唔係分分鐘排半個鐘！因為好多外賣order！