Pret A Manger (Closed)

今日要快食個lunch所以買咗兩個包食，叫咗一個牛油果蓉雞絲三文治同埋一個吞拿魚長法包。三文治嘅料都幾多，唔會食食吓得返嗰包冇晒餡，除咗牛油果蓉同雞絲之外仲加左隻醬係類似忌廉醬，令到個包更好味，更開胃，但一盒三文治得一件份量太少。而個吞拿魚長法包味道都幾好，法包中間鋪滿左吞拿魚茸（加左好多洋蔥粒），仲有好多片青瓜，但我個人唔鍾意食洋蔥所以扣咗啲分，同埋個餡同埋個包都比較乾身，如果加啲醬就會好d~食物質素幾好不過價錢都比較貴。