Video
Read full review
2022-07-06
1761 views
.📍Peek-A-Poke📍#饅頭去銅鑼灣 #饅頭食西餐------------------------------1️⃣ Tuna + Salmon Poke Bowl ($98)終於試到呢間嘅Hawaii Poke Bowl🥺，小編想試多啲口味就揀咗吞拿魚同三文魚嘅half-half base，兩者都係角切，每塊魚都好大粒🐟，估唔到三文魚係比唔會過肥嘅三文魚腩部位，雖然味道上唔算話特別新鮮，但每一嚿可謂肥美軟腍卻不失腩部嚼口🍣，口感亦夠滑身富有油香；至於吞拿魚味道就比較普通，雖然都係大粒厚切，不過質地偏嚡，冇三文魚咁濕潤，有少少腥味不過係可以接受嘅範圍，但下次未必會再嗌。🔹Brown Rice + Salad我覺呢度嘅珍珠糙米飯好好食，上碗時溫度微暖，飯粒唔會煮到好乾勁有咬口，越嚼越感受到米糠香氣層層遞進🍚，唔會有苦澀味，撈埋山葵乳酪醬增加濕度同香味就更正；至於沙律菜全部都係新鮮脆口🥗，水份充足，洗得夠乾淨冇泥味，如果想食得健康啲都推薦呢個主食combo。🔹蛋絲 + 蕃茄 + 蟹籽Well...蛋絲質地有啲乾，而且冇咩蛋香，調味唔係想像中嘅甜玉子味；蟹籽主要係當裝飾🙈，冇咩特別；蕃茄仔
📍Peek-A-Poke📍#饅頭去銅鑼灣 #饅頭食西餐
------------------------------
1️⃣ Tuna + Salmon Poke Bowl ($98)
終於試到呢間嘅Hawaii Poke Bowl🥺，小編想試多啲口味就揀咗吞拿魚同三文魚嘅half-half base，兩者都係角切，每塊魚都好大粒🐟，估唔到三文魚係比唔會過肥嘅三文魚腩部位，雖然味道上唔算話特別新鮮，但每一嚿可謂肥美軟腍卻不失腩部嚼口🍣，口感亦夠滑身富有油香；至於吞拿魚味道就比較普通，雖然都係大粒厚切，不過質地偏嚡，冇三文魚咁濕潤，有少少腥味不過係可以接受嘅範圍，但下次未必會再嗌。
🔹Brown Rice + Salad
我覺呢度嘅珍珠糙米飯好好食，上碗時溫度微暖，飯粒唔會煮到好乾勁有咬口，越嚼越感受到米糠香氣層層遞進🍚，唔會有苦澀味，撈埋山葵乳酪醬增加濕度同香味就更正；至於沙律菜全部都係新鮮脆口🥗，水份充足，洗得夠乾淨冇泥味，如果想食得健康啲都推薦呢個主食combo。
🔹蛋絲 + 蕃茄 + 蟹籽
Well...蛋絲質地有啲乾，而且冇咩蛋香，調味唔係想像中嘅甜玉子味；蟹籽主要係當裝飾🙈，冇咩特別；蕃茄仔都ok鮮甜爽脆，主要都係提供下鮮艷嘅五顏六色等個bowl靚仔啲。
🔹Avocado 🥑 (+$10)
揀得好靚，切面光滑冇根，入囗creamy冇草青味，牛油果自身香味同個bowl好夾。
🔹山葵乳酪醬
呢個醬汁雖然油脂比例較高，但我認為係值得試嘅，醬汁偏流汁但味道唔稀，淡淡嘅奶脂香氣同mayonnaise嘅甜酸味好夾😋，wasabi唔會好攻鼻，令成個醬層次豐富咗，亦冇咁油膩，醬汁容量足夠，攞嚟撈糙米飯一流，不過就淋得唔均勻，要自己再撈一撈，但撈嗰陣都要小心跌餸。
整體味道唔差，要話好好食又未至於，不過喺夏天有個凍bowl食下都幾開心，經過可以一試。
------------------------------
🔸整體評分：7.5/10
🔸小編回頭率：7/10
Post
