御品·千之味 (深水埗) (Closed)

三文魚控🤟🏻🤟🏻一次過滿足晒咁多個願望，呢個壽司盛盒有齊三文魚腩、辣味三文魚、三文魚粒、火炙三文魚、火炙黑椒三文魚、花之卷。三文魚新鮮，肥美。自己就私心推介火炙三文魚，入口即溶。加上輕輕燒焦表面，可以中和油膩感。叫得三文魚控又點會咁簡單，另外再追加多個雙色三文魚丼，份量都唔少。平時多數都去出名個幾間壽司店，其實呢到一樣有驚喜。質素中上，加上價錢合理。原來仲有得送外賣添，下次三文魚癮起又多個選擇嚕。