WAKE UP BISTRO

Open Now

Now Closed

聯和墟又多一個地標！講緊就係被列為三級歷史建築的粉嶺聯和市場，近日被活化成「聯和趁墟」，一個集美食、特色產品及舉行市集的地方。WAKE UP Bistro 係入面首間開業餐廳，位於昔日「魚市場」位置，裝潢保留活化前格局，並以白色為主調，走簡約路線。主打多國菜美食如意粉、和牛漢堡、all day breakfast 等，部分本地時令蔬菜來自蔬菜統營處，非常新鮮，菜單設計及擺盤有心機，價錢卻屬街坊價！   餐湯 午餐加$5燒澳洲安格斯肉眼扒 $137青醬羽衣甘藍本地蔬菜奇亞籽長通粉 $61蕃茄牛肉野菌藜麥意式飯 $91 今次兩個人來，淨係食 lunch set 都好飽，仲有好多食物如 Pizza、甜品、乳酪及沙冰等要留返下次先再試！當日餐廳尚在試業中，戶外區未開放，3 月尾當「聯和趁墟」正式開幕，戶外區會歡迎狗狗進入，亦會有毛孩 menu，假日 chill 又多一個好地方！同場其他攤檔亦會陸續進駐，希望遲下會好似中環街市咁熱鬧啦。