阿里朗韓國餐廳 (Closed)

我地一行5人27-12-06去食飯，第一個超：超級貴，埋單＄１２００，唔係我叫，我唔知食物名，只係記得有：一碟牛肉、一碟豬頸肉、一碟牛仔骨、一個薄餅、一大煲麵（但只梗梗分到５碗每碗得半碗）、一碟烤魚、三杯啤酒、一杯蘋果橙汁、一杯紅棗茶。第二個超：味道超級普通，同citysuper food court個度食到既韓國菜差唔多，只係food court冇燒烤食到。第三個超：服務態度超差，我朋友叫個蘋果橙汁，我地重覆左二次個待仔好似聽唔到蘋果二個字咁，只係聽到鮮橙汁，然後轉頭就走，到送上枱時，果然只係鮮橙汁，我地當然叫佢換，跟住落單個個待仔走過來問我地：你地唔係話鮮橙汁咩？我地話唔係，重覆左二次比你聽，跟住佢就半"掘"住我地咁自言自語：明明係叫鮮橙汁....。呢間咁既餐廳，我有生之年都唔會再去，根本唔值得再佢，亦唔會叫人去。