瀛本壽司 (Closed)

自選三色丼定食🍱 ($88)特登出新蒲崗食尼個午市定食，真係抵到不得了👍🏻。可以係魚生飯、三文魚飯、吞拿魚飯、鰻魚飯、天婦羅飯、牛肉飯，六款入面自己揀三款。食既係三文魚、鰻魚、牛肉三款，一上枱，嘩好多野啊🙀。先試試蒸蛋，幾滑不過比較輕口味。仲有芝麻醬青瓜當沙律食下🍃。飲啖味噌湯就開始食飯🍚啦喂。三文魚幾新鮮，切得幾薄不過都有好幾塊，話咁快食完一碗😋。鰻魚份量都幾多，唔腥又冇骨，合格有突！牛肉飯好多三色椒，加埋洋蔥，整體味道偏甜，有唔少牛肉汁💦，三兩下又食埋。其實每款都唔大碗，但食三碗都咪話唔飽。