Schnee German Restaurant (Closed)

又到開心星期5~緊係要出去食返餐好架喇!一間一直都好想試的餐廳，終於搵到機會去試喇~同友人去到餐廳的樓下，有員工問有無book 檯，心知不妙點知佢話要等到20:30先有檯，睇一睇隻錶，依家先19:30喎，仲有成個鐘~星期5的晚上，到到都好多人，好喇，決定都留個電話等下，再去睇下其他地方邊到有位，邊到有位就食邊到喇。點知~都未行到去路口，電話就響喇，YEA! 有位，我同友人即刻返轉頭，員工仲同埋我地一齊搭電梯上去送到我地去門口~lol呢到仲有波睇，但係唔係直播就唔知喇~因為仲有下半埸的關係，所以叫左3樣野食姐~傳統德國腸沙律伴酸甜青瓜及芝士我覺得有少少普通，d睇無想要中咁好食～可能成日都覺得德國腸係會好好食～可能係沙律的關係，芝士個味都唔係好重味～唔好芝士的我都食到～招牌脆皮燒德國豬肘伴酸椰菜烤薯角好食！個皮好乾身好脆，好似食緊薯片咁，而且唔油唔肥～但有部分無皮包住的肉就乾左少少。配菜的酸菜唔會太酸，配埋豬手食岩岩好～薯仔都好淋～整體都唔錯～可以一試～員工好體貼，上菜市場果陣，問我地要唔要切開，我地答完要，佢就放低俾我地影完相，就再拎返入廚房幫我地切開一件件～😂西班牙海鮮飯～海鮮都幾新鮮