南小館 (Closed)

星期六同朋友行尖沙咀，不知不覺行到6點，一於食埋晚飯先返屋企。想食上海野，就揀左南小館。六點三去到已經一半full左，好彩行快兩步啫。一坐底先上小食，上茶，服務殷勤。必叫的致愛—花雕醉雞。雞肉好有酒味，肉質又滑，仲要涼浸浸，啱晒夏天😎😎。叫左碗牛肉麵和陽春麵，湯汁惹味，麵條彈牙，牛肉夠曬淋。白菜肉絲炒年糕好入味，煙煙韌韌，食極都唔夠。而鮮肉小籠包一籠五個，一咬落去，好多湯汁，好鮮甜，皮又薄，下次黎想試埋無鍚小籠包😌。另外一定要推介松子魚（$168），好少地方煮得好食，但係南小館的松子魚我每次都會叫，酸酸甜甜，配飯食一流👍🏻👍🏻。最後係酒釀丸子，好香桂花味，配粒粒酒糟，加超多QQ小丸子，又一必叫食品😋。