知味舍 (Closed)

睇到某飲食雜誌話呢間餐廳大廚以前係上海總會做，於是慕名而來試下。我同老公兩個人叫咗四喜烤夫、雪菜毛豆百頁、東坡肉、蔥油拌麵同生煎包。四喜烤夫暖暖地，但我其實鍾意凍d，味道一般，唔夠東來順好食。雪菜毛豆百頁，百頁好好食，唔似出面的又厚又硬。東坡肉，真係一層脂肪一層肉，汁做得好好味，但真係好肥!蔥油拌麵，麵同汁的味道唔錯，但蔥唔夠好味，始終係香港好難搵到有上海做得咁好...生煎包, 層皮好厚，但個底就煎得好香。另外，一黎就俾碟超細的花生同醬蘿蔔，盛為20大元。不過食物整體都算唔錯，可以再試。