梳乎厘 (Closed)

梳乎厘總是LUNCH時挑選的飯堂,在區中已是屬於中上的餐廳了。它的SET LUNCH 由$58-$208都有,包餐湯 OR 沙律同飲品。我叫左水牛芝士焗龍蝦汁海鮮飯,其實食左前菜都半飽,再見到具有咁上下份量的焗飯都有D豐富。話就話焗龍蝦汁,我感覺似4成龍蝦汁,6成茄汁,味道幾好,海鮮配料都幾大方,有3隻爽口大蝦,有大隻青口,有兩條嫩滑魚柳,芝士味不算突出,但喜歡飯中加上蛋花,增加香味。飲品叫左熱朱古力,夠香濃同滑,差不多次次都會飲。要知道將朱古力沖得好飲的店舖唔係成日都會遇到。