海盜王餐廳

Open Now

Now Closed

呢間餐廳開係藥房附近，幾得意。以海盜為主，仲有好多國旗，好似海盜佔領返黎既地域咁。叫左個菠蘿雞中翼。雞翼冇骨，入邊有粒菠蘿仔，食左一啖，雞翼同菠蘿一齊燒，味道好甜，有少少菠蘿香，呢個小食有創意，好味。另外再叫左個牛肩扒套餐。牛扒煎得啱啱好。口感超滑，呢個澳洲牛肩肉質真係超靚，索曬配料既香味，加埋燒汁一齊食，勁好味。仲有炸薯角，原來薯角同燒汁食都好好食。，不過最正當然係牛肩。呢個口感真係好，又多汁。忌廉餐湯唔錯，好熱，香噴噴。再叫埋個跟餐野飲熱朱古力。慢慢嘆，好好味既海盜王餐，上水有間咁得意既餐廳都幾好！