鋿晶館 (上水匯) (Under Renovation)

岩岩過去既重陽假期完結，等過關等到黃昏變夜晚，所以反正要喺上水轉車就同朋友覓食上水，上水每個商場都天橋接天橋就去到，每個商場都有各色各樣既食肆。呢間餐廳喺正上水匯連接天橋果層，一眼就望到。香芒大蝦球(2件）$48同行有小朋友，所以叫左d小食比小朋友撈飯食，蝦球薄薄咁炸過，蝦仁大隻又爽口，入口有陣芒果味，啖啖肉，小朋友至愛。脆炸魚柳菠蘿包 $48除咗魚柳另外可以揀豬扒/雞扒架，不過方便小朋友咬就揀左魚柳，偷食左一啖，魚柳係餐廳自行加工，因為比起出面食到既魚柳厚身同滑溜，菠蘿包烤返脆卜卜，熱辣辣。蒜香斑頭腩蒸飯 $88有啲似荷葉包飯，飯底金黃色，似係蛋炒飯底，班腩肉質彈牙滑溜，飯既份量頗大份，足夠2個人share。麻辣豬軟骨淮山麵 $78份量同樣頗大，配料有冬菇，有木耳，有幾件豬軟骨，麵比較特別，用上淮山麵，有別於坊間用米線米粉之類，豬軟骨都煮得夠入味同軟淋，鐘意辣野既可以一試。