Video
Read full review
2018-09-13
132 views
我以為上水只係得藥房同金鋪，原來都有一間見得人既西餐廳，好感動！平日7點半入座，人未算多，所以老闆娘安排我同朋友二人坐四人枱~其實我一早就係openrice做定功課，所以好明確咁揀左佢地既招牌-安格斯牛肉芝士漢堡。朋友就舉棋不定，所以老闆娘推薦佢試試新出既羊西冷，係連menu都未有既新菜式我地仲叫多個炸薯條配黑松露醬—呢個係最快上枱，一大盤，起碼用3個薯仔切出黎，新鮮炸起，熱辣辣、脆卜卜，我心急即食，一拎起就辣親手指。黑松露醬一大杯，好香，點薯條食一流。餐湯係甘筍薑湯，新奇既配搭。有細細既薑粒，既似到薑味又唔會蓋過甘筍風頭，女仔飲薑汁仲可以暖胃。安格斯牛肉芝士漢堡有足足8oz牛肉，牛扒由廚師每日堅持人手打，所以有嚼勁同juicy，切開入面啲牛肉仲係粉紅色，勁嫩，啲肉汁流哂出黎。配料都唔少，芝士、蕃茄、生菜、洋蔥，雖然係簡單，但最能映襯出主角既美味羊西冷出場啦～未食之前我同朋友都驚羊西冷會好鞋、好乾，但一切開，嘩！啲肉汁咇緊出黎啊，仲要係粉紅色架，一啲都唔老。其實我唔太鐘意食羊，因為聞到佢啲騷味我都怕怕，但見朋友食到讚不絕口，我都試少少。騷味一定有，但唔多，係我呢種怕騷既人都接受到既程度
平日7點半入座，人未算多，所以老闆娘安排我同朋友二人坐四人枱~其實我一早就係openrice做定功課，所以好明確咁揀左佢地既招牌-安格斯牛肉芝士漢堡。朋友就舉棋不定，所以老闆娘推薦佢試試新出既羊西冷，係連menu都未有既新菜式
我地仲叫多個炸薯條配黑松露醬—呢個係最快上枱，一大盤，起碼用3個薯仔切出黎，新鮮炸起，熱辣辣、脆卜卜，我心急即食，一拎起就辣親手指。黑松露醬一大杯，好香，點薯條食一流。
餐湯係甘筍薑湯，新奇既配搭。有細細既薑粒，既似到薑味又唔會蓋過甘筍風頭，女仔飲薑汁仲可以暖胃。
安格斯牛肉芝士漢堡有足足8oz牛肉，牛扒由廚師每日堅持人手打，所以有嚼勁同juicy，切開入面啲牛肉仲係粉紅色，勁嫩，啲肉汁流哂出黎。配料都唔少，芝士、蕃茄、生菜、洋蔥，雖然係簡單，但最能映襯出主角既美味
羊西冷出場啦～未食之前我同朋友都驚羊西冷會好鞋、好乾，但一切開，嘩！啲肉汁咇緊出黎啊，仲要係粉紅色架，一啲都唔老。其實我唔太鐘意食羊，因為聞到佢啲騷味我都怕怕，但見朋友食到讚不絕口，我都試少少。騷味一定有，但唔多，係我呢種怕騷既人都接受到既程度，而且因為肉好嫩滑，我已經將僅餘既騷味拋諸腦後蘸埋牛肝菌醬真係滋味無窮！
飲品我地叫左菠蘿沙冰&夏日果茶。
上水人終於可以有個地方遠離水貨客，藥房同金鋪，慢慢咁享受一個美味既晚餐啦～
Post
