阿芳上海餛飩 (Closed)

中午食飯時間跟左日本仔山士落去祟潔街遊花園, 比日本仔帶翻轉頭, 認真神奇, 佢提議去佢去開個間只有上海雲吞的店, 無辨法, 佢已經上左癮, 本去我對上海雲吞無嘜興趣, 覺得無廣東雲吞咁好味, 因為廣東雲吞有蝦, 咬落彈口, 而上海式雲吞只有菜與肉, 咬落軟淋淋, 但係, 唔知係期望低定係真係好味, 呢間上海式雲吞有特別之處, 就係咬落有爽口感覺, 我專登食少隻, 拆散佢驗貨, 原來係….呀…係..唔肯定.. 好似係豆, 又好似係菜莖, 因為食飯時間太多人, 無機會問, 下次落嚟再問過, 講翻個午餐, 包左一碗有十隻的上海雲吞, 女士會覺太多, 男士則剛剛好, 再加上一碟小食及豆漿, 我地分別叫左蒜泥白肉和五香薰魚, 蒜泥白肉一般啦, 薰魚好好味, 好味過其他上海鋪好多, 可以添飯呀… 不過..原來無賣飯喎…