LeeLaksa

Open Now

Now Closed

朋友推介我上環有間好好味嘅新加坡菜餐廳。鐘意周圍去食好嘢嘅我當然要去試啦。餐廳門口大大個名，好易認，離遠都可以見到。環境都好舒適，但礙於抗疫措施，唔可以堂食，所以只好買外賣返去試。巴東牛肉餐廳好細心，將白飯同巴東牛肉分層放，咁樣白飯就唔會吸收哂巴東牛肉嘅汁，巴東牛肉就可以保持鮮香。巴東牛肉燉得軟爛入味，味道香濃，辣度則是中等，另外仲配有青瓜片同車厘茄。檳城蝦麵賣相好靚，但將麵同餸今返落湯再砌返咁靚嚟影吓相，原來一啲麵唔易。麵底係星馬餐廳最常見嘅摻摻，即係米粉、油麵兩溝。湯底很濃郁鮮味，辣度亦不算高。相信堂食會更正。香茅鮮橙茶有別於一般嘅鮮橙茶、LeeLaksa嘅香茅鮮橙茶多出香茅味，而估唔到香茅同橙茶都幾夾。香茅青檸荔枝梳打香茅加青檸再加荔枝嘅梳打，我都係第次飲。甜甜嘅荔枝味，搭上青檸，再加埋香茅，非常有層次嘅味道，都幾好飲。