我愛慢煮 (孖沙街) (Closed)

星期六同男朋友喺中環行完街，我地本身想行去上環食米線但原來已閂左，最尾我地搵左附近搵到呢間黃店，一於食餐好！我愛慢煮好多朋友都介紹過，話佢地啲野食都嗰錯，上到去店員好快帶我地上二樓，餐廳情調唔錯，裝修幾靚～～店員放低餐牌同我地講揀好就落樓叫，所以呢度係無加一既，我地叫左幾樣野，分別係海鮮濃汁藍青口配蒜蒜包籃藍青口份量都幾多，青口加左海鮮汁，味道幾夾！我地再加錢配埋即烤香脆嘅蒜蓉包，用嚟點埋海鮮汁就一流～～美國安格斯特級平鐵牛扒：平鐵牛扒係用牛肩胛位最軟嫩嘅部位，肉味非濃厚，呢度加埋香草烤煎，油香混埋香草嘅香氣四溢，未食都流哂口水！但份量就唔算好多，男仔可能就唔太夠haha!煙肉芝士通心粉：份量較預想為多，芝士份量都好足，加埋煙肉除左增添香口嘅口感外，仲令奶香滿滿嘅通心粉添上一份油香味。墨西哥燒粟米：喺燒到熱辣辣嘅香甜粟米上面撒左啲香草同埋有啲好惹味嘅香料，令到味道更加豐富更加美味。