1908bc British Chinese

Open Now

Now Closed

過海想搵間靜靜地嘅餐廳撐枱腳，望望下，就搵到呢間中菜餐廳，一於試下佢個望落好豐富嘅tasting menu。一上嚟就係一碗暖笠笠嘅湖區海鮮羹，好足料而且鮮味，唔會做到太濃稠。跟住就係3道菜組成嘅前菜拼盤，蝦多士、陳醋蜜汁排骨、脆皮素春卷，每樣都恰到好處，小小嘅前菜咸點，令你食慾大增，迎接之後源源不絕嘅驚喜中菜。第一個驚喜係棒棒吉列蝦掛包，其實係台灣掛包嘅變奏版，夾嘅唔係肉，而係吉列蝦，貫切上半部嘅海鮮主題，食落香口鮮味。第二個係蒜蓉粉絲蒸扇貝，聽落好普遍嘅菜式，但係食得出好鮮味大大隻嘅扇貝上面淋上甜甜嘅豉油，十分出色。主菜部分最驚喜嘅係你無諗過嘅炒飯，口感層次豐富，炒飯粒粒分明。另一道驚喜嘅係甜品，兩個人兩種味，有檸檬mousse tart同芒果布甸tart，口感十分豐富。