Video
Read full review
2022-09-08
1040 views
星期六出咗去上環買嘢，再順便喺附近食晏。原來新紀元廣場上面有餐廳，成日喺下面穿梭都唔知添🙈。從扶手電梯上二樓就會見到「RevTime殤城逆流」，店名好霸氣！店內環境唔錯，係小清新嘅感覺，其中窗邊位有陽光照入嚟幾舒服☀️。但到訪日太曬，我哋就選擇坐遠少少。另一邊廂，舖內嘅牆壁亦畫上色彩繽紛、兼且別具意義嘅油畫🎨。但如果餐廳全場爆滿的話，座位之間就有少少迫。餐廳主打英法菜式🍽，不過同時亦係一間Cafe，提供各種特色飲品咖啡同埋甜品。呢度定價屬中等水平，始終喺上環商業旺區都唔會太平，我相信平日一至五午市應該好旺場👏。傳統英式早餐($148)，All Day Breakfast基本上唔會整得難食😋，不過當然每間餐廳嘅出品都有分別，而呢度嘅特色就係豐富。早餐內容包括煙肉🥓、豬柳扒、脆薯餅、黑松露炒蛋🍳、蕃茄、煙三文魚、司華力腸、約克郡布甸同沙律菜等，依個份量連男仔食都夠飽。幾樣食材之中以Yorkshire Pudding約克郡布甸最特別🥞，香港唔係四周圍有得食，但就喺英國幾常見，多數係配烤牛肉。佢味道帶鹹，似麵包多過甜點，質感尚算軟熟。另外，煙三文魚經稍為煎過，所以鹹香突出。法式頂級牛肩($268
星期六出咗去上環買嘢，再順便喺附近食晏。原來新紀元廣場上面有餐廳，成日喺下面穿梭都唔知添🙈。從扶手電梯上二樓就會見到「RevTime殤城逆流」，店名好霸氣！
店內環境唔錯，係小清新嘅感覺，其中窗邊位有陽光照入嚟幾舒服☀️。但到訪日太曬，我哋就選擇坐遠少少。另一邊廂，舖內嘅牆壁亦畫上色彩繽紛、兼且別具意義嘅油畫🎨。但如果餐廳全場爆滿的話，座位之間就有少少迫。
餐廳主打英法菜式🍽，不過同時亦係一間Cafe，提供各種特色飲品咖啡同埋甜品。呢度定價屬中等水平，始終喺上環商業旺區都唔會太平，我相信平日一至五午市應該好旺場👏。
傳統英式早餐
$148
38 views
0 likes
0 comments
幾樣食材之中以Yorkshire Pudding約克郡布甸最特別🥞，香港唔係四周圍有得食，但就喺英國幾常見，多數係配烤牛肉。佢味道帶鹹，似麵包多過甜點，質感尚算軟熟。另外，煙三文魚經稍為煎過，所以鹹香突出。
法式頂級牛肩($268/CAB Angus)，🥩牛肩扒餐幾大份，一客有兩大件肉，夾埋應該至少8安士。Flat Iron Steak呈三角形狀，切開有少少筋，不過肉質一啲都唔韌，生熟度剛好，而且牛味都幾濃郁。牛肩扒簡單用香草調味已經好夠味🌿，油份又充足，食落有滿足感。
牛扒本身跟配沙律菜🥗，另外仲可任食薯條或薯蓉。我要咗薯蓉，餐廳分開用碗仔上，一份有成三球🥔，口感綿密，味道唔錯。雖然任食，但都飽肚，食唔到幾多。
雞蛋與高牆($68)，呢杯係升級版嘅朱古力🍫，賣相一流。面頭鬆起嘅白色泡沫係打蛋白，再加埋棉花糖同朱古力醬☁️，以添口感。熱朱濃度適中，香甜唔澀。
餐廳店員好好禮貌，服務貼心，而且仲為每位客人送上小心意甜品：瑪德蓮蛋糕Madelein❤️，檸檬味幾清爽。貝殼蛋糕好多地方都有，但咁的骰都係第一次見。
總括嚟講，餐廳嘅鹹食菜式有水準，味道不俗，份量足，係食晏嘅好去處👍。同時，餐牌上引用咗好多格言同電影金句，富有文青氣息。世界上有那麼多的城鎮🏰，城鎮中有那麼多的酒館，我卻走進了「殤城逆流」。
Post
