Check In ThaiViet (Closed)

在上環隨心行街，遠處就被鮮艶海綠色吸引，近睇原來係一間泰越小店，有室外室內位，坐室外好似坐在綠色相架內，打卡一流，室內坐位唔多但寬躺，亦有一幅特色牆，手繪畫，好美。食物以泰越為主，見到餐牌都係大家會喜歡嘅菜式，似家常小菜，如果位置方便的話真係可以成日嚟，用餐時都留意到有不少人外帶，深得附近街坊心意。📌泰式原隻燒魷魚同一般泰式燒烤做法唔同，似簡單製熟盡量保留魷魚鮮味，口感會比較嫩滑爽口，味道仲有少少海鹹味，沾上少少酸甜醬汁，又另一番風味📌九層塔香炒牛肉主角牛肉嫩爽唔韌，香香牛肉味配上特製醬汁，加上九層塔就真係係似泰國風味，仲有黃椒紅椒配襯，簡單菜式好開胃📌鹹魚炒芥蘭心諗這是廣東菜還是泰越菜？不過無所謂好食就可以，芥蘭好青綠好爽，鹹魚鹹味剛好，最重要係用油剛好，唔錯，一樣好開胃📌越式杏片炸香蕉這款炸香蕉之前未試過，黃金外皮加上杏片，口感特別，炸過嘅香蕉又香口又甜又軟，沾上蜜糖，提升甜度但不會過甜，有驚喜