利寶閣 (Closed)

-$148可以食到咩？最近利寶閣推出 中菜午市放題，只需$148 就可以食到超過五十多款的菜式，每人仲有一隻原隻鮑魚酥和花膠灌湯餃☺️好抵食！平時去飲茶好想咩點心都試下😍但又唔夠多人食，食小小又好快飽肚！今次可以試到勁多款點心中菜😎不同分店都有點心放題👍🏻-今次起碼食左超過20款野食😎 -原隻鮑魚酥😍（鮑魚食落好軟腍，而且撻幾鬆脆，幾香）花膠灌湯餃😍（依都有幾片花膠，灌湯餃好大隻👍🏻，湯底清甜）晶瑩鮮蝦餃😚（蝦餃皮薄，望落晶瑩剔透，蝦肉幾爽口彈牙）木魚茄子🍆（味道沒有太特別，有好多木魚係茄子上面）鮮蝦水晶餃😋（依個水晶餃睇落好吸引，不過皮偏厚，好足料🤪）蒜香雞中翼🐥（雞中翼都幾大隻，外脆肉嫩，不過食落無咩蒜香味😗）XO醬煎腸粉🤗（煎腸粉好好食，腸粉皮有小小香脆，配埋XO醬就更惹味）奶皇流沙包😍（流沙包細細個，好好味👍🏻）楊枝甘露😅（芒果味不算濃郁，偏淡）沙田雞粥😌（幾足料，好多雞肉，不過粥不太綿滑）-除左以上點心，仲食左百花燒賣皇☺️，蒜拍小黃瓜🥒，楊洲炒飯，香芒布甸😎，薑汁雞包仔😀，鵪鶉蛋燒賣，蘿蔔金錢肚，豉椒蒸排骨😚，潮州粉果，上湯鮮竹卷 和 香煎蘿蔔糕😋等等﹐真係物有所值，超多選擇！