炑八韓烤 (Closed)

係尖沙咀返工每逢食Lunch都覺得好煩，成日都要諗食咩。。。不過，今次俾我哋誤打誤撞走咗入炑八燒烤，原來佢哋都有提供Lunch Set，價錢仲唔貴添，好啱我哋呢啲長期糧尾嘅人😂我簡左個 特級芝士泡菜五花肉韓式拌飯 $54份量超大，岩晒大胃王既我，有少少似我鍾意食Pepper Lunch🤪Lunch Set仲會包埋兩碟小菜同埋一碗湯，好豐富呀，仲要小菜都幾大碟㗎，好梳爽呀呢間餐廳😂😂我自己就鍾意撈埋一齊食啦，唔好睇佢個賣相咁樣，其實都真係幾好食，絕對冇將貨就價，用嘅真係平時韓燒嘅五花肉，好好食💓上班一族以後有多個食午飯嘅落腳點啦☺️