中華滙館 (Closed)

今日約左朋友食lunch，慶祝佢升職加薪佢帶左我黎呢間中華滙館，我心諗：你都幾識食架喎！入到去，同門外環境有天淵之別，室內充滿貴氣，擺設同餐具的花紋都有中國特色首先開左壺香片茶，平時飲開既香片帶苦澀味，雖然我唔識品茶，但呢到既香片，飲得出茶香清幽，無苦味，茶葉應該都唔差因為食lunch，我地食點心為主加少少前菜XO醬鮮腐竹，聞起黎有油香，加上XO醬，瑤砫絲，味道辣辣地，做前菜幾醒胃另一個小食係酸薑皮蛋造型可愛，係金魚既造型，皮蛋晶螢剔透原來係溏心皮蛋，蛋黃呈流心狀態，味道香濃可以混合沙糖同酸薑食，更易入口荀尖鮮蝦餃皮晶瑩剔透，鮮蝦爽口新鮮灌湯小籠包，湯包下墮，鎖住湯汁，未食都睇得出入面好多湯我都幾驚包皮好易穿，因為皮都幾皮薄，但湯包摺位比較厚，所以係摺位夾起就萬無一失，最後成功飲哂小籠包既湯，無穿過小籠包湯汁實在濃郁，肉餡鮮味無比豉汁排骨陳村粉，俾我遺忘&熟悉既感覺，因為已經好少地方有得食陳村粉，令我回憶以前食過既味道陳村粉粉皮薄，加埋豉汁，吸哂排骨既汁，唔錯，不過排骨比較肥，可以食到既肉唔多松露鮮菌冬菇包，賣相可愛，做到真係好似個冬菇，連裂紋都跟足開頭以為係蒸包，原來係煎包，包底脆，