Are U Labeler

Open Now

Now Closed

食飯時間係街到見到間裝修得好特別既餐廳，佢有分露天同室內，咁熱我地梗係坐室內啦。我地叫左Allday breakfast，入面有黑松露炒蛋，腸，蕃茄，牛角包，茄汁豆，煙肉，沙律菜。每樣兩件，岩哂我同朋友撐枱腳。未食都聞到個炒蛋黑松味好濃，而沙律重有火箭菜，好健康。個煙肉真係要贊下，juicy得黎唔會好油。我地重叫左黑松露雜菌意粉。因為個意粉係加埋黑松露落去炒，所以相比起個炒蛋(就咁加左係上面)就無咁濃。份意粉就咁睇得磨菇同草菇，但味道都幾濃下。由於係晚餐，我地就無叫到咖啡，之後先知原來可以加錢拉花，重有3d拉花，下次再試。我地叫左玫瑰梳打同Blue curacao lime tea(佢叫藍柑梳打，唔知有無打錯名，都係比英文好啲)。除左要影下杯野飲厄like之外(好少女)，杯玫瑰梳打飲落較甜再加埋佢落左幾粒荔枝，飲落有少少花味又有啲似果汁汽水。而杯藍柑梳打飲落就無咩味，篤下啲青檸會好啲。上網搵blue curacao係一種酒，但我諗佢只係落左藍柑糖漿。