越北牛肉粉專門店

Open Now

Now Closed

今日嚟到呢間大角咀嘅牛肉粉食下午茶。下午茶選擇都算幾多，又包餐飲所以就入咗去食啦！座位都算幾舒服啦，闊落嘅。坐有梳化嗰邊就比較舒服仲有少少擺設喺後面。分別叫咗一個雞絲扎肉湯濛同埋香茅豬扒湯濛。幾欣賞佢呢度嘅湯頭，幾好飲，香濃唔油膩，但應該係味精湯啦，飲完會口渴。雞絲方面食到有雪味，又唔多入味就差咗啲啦。香茅豬扒就要一讚，因為真係煎得好香，而且調味好好食好入味，又唔韌，加埋啲炸蒜更加香口。整體不過不失，下午茶算有多間選擇。