馬六 (Closed)

熱辣辣冇咩胃口，想食碗湯麵，入咗去馬六，服務員很好，因為差不多到下午茶時段，提議我等到2點叫下午茶會抵食好多😁。下午2點係下午茶時段，價錢比午餐時段優惠好多呀！我就點左一個湯米、一個菜、一杯飲品。一直很喜歡肉骨茶，就算夏天熱辣辣都一樣想食，肉骨茶由多種藥材煲成的湯，有和胃、健脾活血、散寒袪濕、對抗疾病的作用。巴生肉骨茶湯米粉$52原本諗住係下午茶，但點知份量比想像中多，跟午餐一樣，超大碗。肉骨茶藥材味濃，排骨好淋，有小量腐竹和豆腐卜，同米粉一樣索左啲湯勁好味😋馬拉盞通菜$26比想像中大碟的通菜，炒得很香，微辣。老街椰汁冰+$8呢個真係好啱夏天飲，椰汁打成碎冰，冰冰涼涼，好解渴。